Нұр-Сұлтан, BAQ.KZ. Бүгін ҚР Конституция күніне орай, облыс әкімі Өмірзақ Шөкеев отбасыларға пәтер кілтін табыстап, мерекемен құттықтады, деп хабарлады Түркістан облысы әкімінің баспасөз қызметі.
«Отырар» ықшам ауданында салынған көпқабатты тұрғын үй «Нұрлы жер» бағдарламасы аясында пайдалануға беріліп отыр. Жаңа баспана иелеріне 5 қабатты 11 тұрғын үй берілді. Бір бөлмелі 165 пәтер, екі бөлмелі 165 пәтер және 3 бөлмелі 330 пәтер ел игілігіне беріліп, 660 отбасы қоныс тойын тойлады. Айта кетерлігі, пәтер иелері атанғандар – кезекте тұрған халықтың әлеуметтік аз қамтылған және тұрғын үйге мұқтаж санатына жататын азаматтар. Қолданысқа берілген бұл көп қабатты тұрғын үйдің инфрақұрылымдары толықтай ретке келтірілген. Пәтерлер талапқа сай жасақталып, әрленген», - делінген таратылған ақпаратта.Жыл соңына дейін тағы да қала тұрғындарына 5 қабатты 9 тұрғын үй тапсырылатын болады.
