Нұр-Сұлтан, BAQ.KZ. Түркістан облысында 17 мамыр мен 16 маусым аралығында елімізде «Қауіпсіз жол» жедел-профилактикалық іс-шарасы өткізілуде, деп хабарлайды облыс әкімінің баспасөз қызметі.
Мұндағы басты мақсат – жол қозғалысы ережелерін бұзуды анықтау және жолын кесу, жүргізушілер арасында көлік тәртібін арттыру, облыс жолдарында апаттылықты төмендету. Шараға 500-ге жуық патрульдік полиция қызметкерлері, учаскелік инспекторлар, басқа да мүдделі органдардың өкілдері жұмылдырылған.
Осы шарада 24 мыңға жуық жол қозғалысы ережесін бұзушылар анықталып, 850-ден аса көлік айыптұраққа қойылды, – делінген хабарламада.
«Қауіпсіз жол» шарасы басталғалы мас күйінде көлік жүргізген, қауіпсіздік белдігін тақпаған, көлікте телефонды пайдаланып, жылдамдықты асырған, авариялық жағдай туғызған, жүргізуші куәлігінен айырылса да көлік тізгіндеген және жүргізуші куәлігі жоқ бола тұра көлік басқарған құқық бұзушылар жауапкершілікке тартылды.
Сондай-ақ жалған мемлекеттік нөмірі бар көлікттерді ұстап ЖҚЕ бұзған 4 мыңнан астам жаяу жүргіншіге қатысты әкімшілік хаттама толтырды.
