Нұр-Сұлтан, BAQ.KZ. Бұл туралы Түркістан облысы әкімінің баспасөз қызметі хабарлады.
"Бүгінгі күнге Арыстағы төтенше жағдайдан зардап шеккен тұрғындарға көмек беру мақсатында «Түркістан» әлеуметтік даму корпоротивтік қорына 1 652 359 888 теңге, 89 тиын түсті. Оның ішінде 258 802 780 теңге, 16 тиын жеке тұлғалар шотынан түскен. Бұдан бөлек, қорға өзге мемлекеттерден де көмек ретінде 105 049 рубль 25 тиын және 7 810 доллар қаражат аударылған. Сондай-ақ тұрғындарға гуманитарлық көмек ретінде 519 тоннадан астам азық-түлік, киім-кешек, құрылыс заттары жиналса, 493 тоннадан астамы таратылды. Қоймада 30 тоннадай қажетті заттар қалды. Гуманитарлық көмек әлі де келіп жатыр", - делінген таратылған ақпаратта.
