Түркіменстанда ересектерге вакцина алу міндеттелді

Түркіменстанда ересектерге вакцина алу міндеттелді
1563

Нұр-Сұлтан, BAQ.KZ. Түркіменстанда 18 жастан асқан азаматтарға коронавирусқа қарсы вакцина алу міндеттелді, деп жазды centralasia.media. 

Денсаулығына байланысты қарсы көрсетілімдері болмаса елдің 18 жастан асқан барлық тұрғыны вакцина алуы тиіс. Бұл - Үкімет қаулысымен бекітілген талап. Міндетті вакцинадан аллергиясы барлар, жүкті әйелдер, бала емізетін әйелдер мен созылмалы аурулары барлар босатылды. 

Елде коронавирусқа қарсы вакцинаның жеткілікті қоры жасақталды. Түркіменстанда бірнеше айдан бері қауіп тобына жататын адамдар мен қарттарды вакцинациялау жүргізіліп жатқан болатын. Бейресми ақпарат бойынша халыққа ресейлік «Спутник V» вакцинасы салынуда.

Қысқа да нұсқа. Жазылыңыз telegram - ға

Фото: ашық дереккөз