Тұран ауданында көшелерге 13 заманауи субұрқақ орнатылды – Шымкент

Тұран ауданында халық тығыз орналасқан аймаққа субұрқақтары қойылды. Атап айтқанда, А. Байтұрсынов, Желтоқсан, Республика даңғылы, Темірлан тас жолы сынды негізгі жолдарға 13 қондырғы орнатылды, деп хабарлайды BAQ.KZ.

Заманауи нысан композициялық мәрмәр тастан жасалған әрі арнайы сүзгі орнатылған. Шара мақсаты – аптап ыстықта тұрғындарға жайлы орта қалыптастыру.

Халық көп шоғырланатын аумақтарға белгіленіп, 13 ауыз субұрқағы орнатылды. Әлі де тағы орнататын орындар анықтап жатырмыз. Келешекте тағы осындай қондырғылар қою жоспарланған, - деді Тұран ауданы әкімінің орынбасары Аманжол Бекбол.