Алматыда ҚР тұңғыш қорғаныс министрін еске алу күні өтті

25 Қыркүйек 2019, 10:05
2075
Бөлісу:
Алматыда ҚР тұңғыш қорғаныс министрін еске алу күні өтті
PHOTO

Нұр-Сұлтан, BAQ.KZ. Кеше Алматыда Қазақстан Республикасының тұңғыш қорғаныс министрі, Ұлы Отан соғысының ардагері, Халық қаһарманы, Армия генералы Сағадат Қожахметұлы Нұрмағамбетовті еске алды. 

Бұл туралы десанттық-шабуылдау әскерлерінің баспасөз қызметі хабарлады.

WhatsApp Image 2019-09-25 at 09.42.50.jpeg

«Мен әкемді үлгі тұтып, оның салған сара жолымен жүрдім. Елінің біртуар азаматы болған адамның ұлы болу – мен үшін үлкен мақтаныш, абырой. Ол кісінің бойыма сіңірген тәрбиесі, Отанын сүюдегі адалдығы – мен үшін үлкен мектеп болды. Мен сол мектептен кемелдендім»,- деді Сағадат Қожахметұлының ұлы, запастағы генерал-майор Талғат Нұрмағамбетов.

Қарулы күштеріміздің құрылуына және аяқтан тік тұруына өлшеусіз үлес қосқан дара тұлға осыдан 6 жыл бұрын – 2013 жылдың 24 қыркүйегінде өмірден озған болатын.

WhatsApp Image 2019-09-25 at 09.42.52.jpeg

«Біз барлығымыз Қарулы Күштеріміз құрылған сол күрделі, қиын-қыстау кезеңді жақсы білеміз. Ол шынымен өзінің тағдырын әскери қызметпен байланыстырған әрбір адам үшін үлгі тұтар азамат болды»,- деді  қызмет жолында бірге болған қаруласы, запастағы генерал-майор Алмазбек Абдрахманов.

Іс-шараның соңында батырдың тұрған үйіндегі ескерткіш тақтаға гүл шоқтары қойылып, әскери оқу орындарының курсанттары мен тәрбиеленушілері салтанатты саппен жүріп өтті.

Өзгелердің жаңалығы