Трамп 2027 жылдан бастап Канада тауарларына тарифтерді 50%-ға дейін көтеретінін мәлімдеді

Жаңа тарифтер автомобильдерге, жүк көліктеріне, автокомпоненттерге және болатқа қатысты болуы мүмкін.

25 Тамыз 2026, 05:37

БӨЛІСУ

АВТОР

Шолпан Аманғали

Қысқа да нұсқа. Жазылыңыз telegram - ға

25 Тамыз 2026, 05:37

163

Фото: скрин

АҚШ президенті Дональд Трамп 2027 жылғы 1 қаңтардан бастап Канададан импортталатын бірқатар тауарларға тарифтерді 50%-ға дейін көтеруді жоспарлап отырғанын мәлімдеді. Жаңа тарифтер автомобильдерге, жүк көліктеріне, автокомпоненттерге және болатқа қатысты болуы мүмкін.

Бұл туралы АҚШ президенті өзінің Truth Social әлеуметтік желісіндегі парақшасында жазды.

Трамп бұл шешімді екі ел арасындағы сауда қатынастарымен түсіндірді. Оның айтуынша, Канада көптеген жылдар бойы америкалық фермерлердің өнімдері мен ауыл шаруашылығы тауарларына жоғары тарифтер енгізу арқылы АҚШ экономикасына зиян келтіріп келген.

АҚШ президенті Вашингтонның Оттавамен сауда қатынастарындағы тапшылығы ұзақ уақыт бойы шамамен 60 миллиард долларды құрағанын да айтты.

Трамп тиісті өнімдерді АҚШ аумағында өндіретін компаниялар жаңа тарифтерден босатылуы мүмкін екенін атап өтті.

Сондай-ақ америкалық көшбасшы Канаданың сауда саясатын сынға алып, ел енді АҚШ тарапынан ерекше қарым-қатынас күтпеуі керек екенін мәлімдеді.

Трамптың айтуынша, Канаданың сыртқы сауда операцияларының шамамен 95%-ы АҚШ-қа тиесілі, ал Вашингтонның Канада нарығына тәуелділігі айтарлықтай төмен.