2023 жылдың 11 айы мен желтоқсанның 20 күнінде республика бойынша сұйытылған мұнай газын (СМГ) тасымалдау шамамен 1,4 млн тоннаны құрады, деп хабарлайды BAQ.KZ.
Бұл көрсеткіш 2022 жылдың сәйкес кезеңімен салыстырғанда 27% өсті.
ҚТЖ газ құюды ұлғайтуға ерекше назар аударады: желтоқсанның 20 күнінде 2,1 мыңнан астам цистерна босатылса, бұл тәулігіне орта есеппен 105 цистернаны құрайды. Салыстыру үшін, жылдың басында бұл көрсеткіш тәулігіне орта есеппен 80 бірлік деңгейінде болды.
ҚТЖ-да мұнай өнімдерін тасымалдау жөніндегі тәулік бойы жұмыс істейтін штаб құрылды, ол СМГ-ны тиеудің тәулік сайынғы мониторингін орындап, құюға бос цистерналарды беру болжамын жүзеге асырады, сондай-ақ тиелген және бос вагондарды ілгерілету үшін жекелеген диспетчерлер бөлінген.
Энергетика министрлігінің алаңында күнделікті кеңестер үнемі өткізіліп, онда облыстар, республикалық маңызы бар қалалар, ҚТЖ және зауыттар әкімдіктерінің өкілдері СМГ тасымалдарының өзекті мәселелерін талқылайды.
СМГ-ның барлық тасымалдары цистерналармен толық көлемде қамтамасыз етілгенін және елімізде сұйытылған мұнай газын тасымалдау логистикасының сенімділігі мен тиімділігін қамтамасыз ететін тұрақты бақылауда екенін атап өту маңызды.
