Суды дұрыс тұтыну – денсаулықтың мықты болуы мен өзін-өзі жақсы сезіну жолындағы басты қадам. Алайда көп адамдар су балансының оңтайлы деңгейін ұстап тұру үшін күн сайын қанша су ішу қажеттігін біле бермейді, деп хабарлайды BAQ.KZ.
Дәрігерлердің айтуынша, судың қажеттілігін анықтау үшін ең алдымен адам өз салмағын дұрыс есептегені абзал.
Ересек адам 1 келі салмаққа 20-40 мл судан есептеуге тиіс. Мәселен, салмағы 70 келі болатын адам тәулігіне шамамен 1,7-2 литр су тұтынғаны жөн.
Сонымен қатар өмір салтын, денсаулық жағдайын және климатты ескере отырып, өзіңіздің жеке нормаңызды анықтаған жөн.
Келесі факторларды қарастырыңыз:
- Дене белсенділігі: егер сіз спортпен немесе физикалық белсенділікпен айналыссаңыз, суды тұтынуды көбейтіңіз.
- Климат: ыстық климатта немесе жоғары температурада сұйықтықтың жоғалуына байланысты көбірек су қажет.
- Денсаулық жағдайы: аурулар, жоғары температура немесе басқа медициналық жағдайлар суға деген қажеттілікті арттыруы мүмкін.
- Диета: тұзға, дәмдеуіштерге немесе қантқа бай тағам тепе-теңдікті сақтау үшін көбірек суды қажет етеді.
- Зәрдің түсі: мөлдір немесе ашық сары зәр әдетте ылғалданудың жақсы деңгейін көрсетеді, ал қара зәр сұйықтықтың жетіспеушілігінің белгісі болуы мүмкін.
- Маңызды: күнделікті нормадан аспаңыз, өйткені пайдалы минералдарды денеден шығаруға болады.
