Нұр-Сұлтан, BAQ.KZ. Жаңаөзенде көшеден табылған жаңа туған нәрестенің анасы іздестірілуде.
Polisia.kz сайтының хабарлауынша, 11 қыркүйекте сағат 23:00 шамасында Жаңаөзен қаласы полиция басқармасының кезекші бөліміне жедел жәрдем қызметінен қоңырау шалынып, қаладағы үйлердің бірінің маңынан жаңа туған сәби табылғандығы хабарланған.
Аталмыш дерек Жаңаөзен қаласы полиция басқармасы сотқа дейінгі тергеудің бірыңғай тізілімінде ҚР ҚК 119-бабы 1-бөлігі бойынша тіркелді.
Қазір баланың анасын табуға бағытталған жедел іздестіру шаралары жүргізілуде. Баланың дені сау. Ол Жаңаөзен қалалық перзентхана бөлімінде жатыр, - делінген хабарламада.
