Илон Масктың SpaceX компаниясы адамзат тарихындағы ең үлкен Starship зымыранын ұшырды, деп хабарлайды BAQ.KZ Хабар24-ке сілтеме жасап.
«Старшип»-тің ұшып қону сәтін жаңадан сайланған Дональд Трамп бірге тамашалады. Илон Маск президент сайлауында Трамптың қолдаушысы болғаны белгілі. Айтулы оқиға Техас штатындағы Боко Чика ғарыш айлағында іске асты.
Бұл әзірге сынақ. Биіктігі 122 метрге жететін зымыран ғарышкерлерді Айға және Марсқа жеткізуге арналған кешенді жүйе. Зымыран бұл жолы Жерді бір айналып шықты. Бірақ басында ойластырғандай ұшырылған жеріне қайта орала алмай, күтпеген жерден Мексика шығанағына барып қонды. "Рейтер" агенттігі "Бұл бір ақаудың болғанын білдіреді" деп жазған.
