Тарифтерді негізсіз көтерген монополистер айыппұл төледі

13 Мамыр 2022, 09:47
1666
Бөлісу:
Тарифтерді негізсіз көтерген монополистер айыппұл төледі

Нұр-Сұлтан, BAQ.KZ. Бұл туралы ҚР Қаржы мониторингі агенттігінің баспасөз қызметі мәлімдеді.

Баспасөз қызметінің деректеріне қарағанда, ҚР Қаржы мониторингі агенттігі Мемлекет басшысының тапсырмасын орындау мақсатында коммуналдық қызметтерге тарифтерді қалыптастыруға әсер ететін негізсіз шығындарды анықтау бойынша жұмыс жүргізіп жатыр.

Осыған қарай 16 кәсіпорын мен 2 лауазымды тұлғаға қатысты жүргізілген кешенді жұмыстардың нәтижесінде жылумен, электрмен, сумен және газбен қамту саласы бойынша 21 сотқа дейінгі тергеп-тексеру жұмыстары басталды.

Бүгінгі таңда аталған істердің барлығы бойынша келтірілген 5,5 млрд теңгеге залал өтелді және 1,9 млрд теңгенің мүлкіне тоқтам салынды, –делінген хабарламада.

Мәселен, Атырау облысында Құлсары қаласы мен Жаңа Қаратон кентіндегі жылу желілерін, су құбырларын және кәріз құбырларын жөндеу кезінде қаржы жымқыру, сондай-ақ артық төлем жасау фактілері бойынша істер тергеліп жатыр.

ҚМА аумақтық департаментінің жұмысының қорытындысы бойынша аталған елді мекендердегі екі монополист тарифті төмендету мәселесі қайта қаралды:

- Атырау қаласындағы көтерме газ тұтынушылары үшін биылғы жылдың соңына дейін 17 мың теңгеден 0 теңгеге дейін 2,5 млрд теңге шығын өтелді;

- Құлсары қаласы мен Жаңа Қаратон ауылындағы қарапайым су тұтынушылары үшін 30%-дан 40%-ға дейін.

Ақмола облысында лицензиясыз қызметпен айналысу фактісі бойынша энергиямен жабдықтаушы компанияға қатысты іс тергеләп жатыр.

Қабылданған шаралардың нәтижесінде аталған ұйымның тарифінен негізсіз қаржы жинау жұмыстарына тыйым салынды. Бұл әрбір абонентке ай сайын 2,5 мың теңгеге дейін үнемдеуге мүмкіндік берді.

Дәл осы облыста монополисттің теміржол трассасын бергені үшін тариф бағасын негізсіз асыра бағалау фактісі анықталды. Кәсіпкерлерден заңсыз өндіріп алған жалпы сомасы 232 млн теңгені құрады. Сотқа дейінгі тергеу басталды, оның аясында тиісті тарифті төмендету мәселесі шешілетін болады.

Осындай заң бұзушылықтар Ақтөбе, Жамбыл, Қызылорда және Маңғыстау облыстарында да анықталды. Барлық жағдайларда төмендетілген тарифтер енгізілді немесе қайта есептелді.

Қаржылық мониторинг агенттігі бағалар мен тарифтерді негізсіз көтеру фактілерінің алдын алу бойынша жүйелі жұмысты жалғастыруда, – делінген баспасөз қызметі таратқан ақпаратта.

Өзгелердің жаңалығы