Нұр-Сұлтан, BAQ.KZ. Бұл туралы Ақорданың ресми сайты хабарлады.
Тамара Босымбекқызы Дүйсенова Қазақстан Республикасының Еңбек және халықты әлеуметтік қорғау министрі болып тағайындалсын, ол Қазақстан Республикасы Президентінің көмекшісі – Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі лауазымынан босатылсын, – делінген Жарлықта.
Туған жылы: 11.01.1965 жыл
Туған жері: Оңтүстік Қазақстан облысы
Білімі: 1987 жылы Ташкент халық шаруашылығы институтын инженер-экономист мамандығы бойынша бітірген.
Экономика ғылымының кандидаты.
Еңбек жолын 1988 жылы институтты бітірген соң Оңтүстік Қазақстан облысы Сарыағаш ауданында информатика пәні мұғалімі ретінде бастады.
1988-1992 жылы Өзбек КСР Мемлекеттік жоспары жанындағы экономика және нормативтер ҒЗИ экономисті болып қызмет етті.
1992-1993 жылдары - Сарыағаш аудандық әкімшіліктің аға экономисті.
1993-1994 жылдары - «Перизат-холдинг» компаниясының бөлім басшысы. 1994-1997 жылдары - Сарыағаш ауданы әкімінің кеңесшісі, орынбасары және бірінші орынбасары.
1997-1999 жылдары - Шымкент қаласы әкімінің бірінші орынбасары.
1999-2002 жылдары - Оңтүстік Қазақстан облысы әкімінің орынбасары.
2002-2006 жылдары -Қазақстан Республикасының еңбек және халықты әлеуметтік қорғау вице-министрі.
2006-2008 жылдары - Оңтүстік Қазақстан облысы әкімінің орынбасары.
2008-2013 жылдары - ҚР Еңбек және халықты әлеуметтік қорғау министрлігінің жауапты хатшысы.
2013 жылдың ақпанынан бастап - ҚР еңбек және халықты әлеуметтік қорғау вице-министрі.
2013 жылдың маусымынан бастап - ҚР еңбек және халықты әлеуметтік қорғау министрі.
2014 жылдың 6 тамызынан бастап - ҚР Денсаулық сақтау және әлеуметтік даму министрі.
2018 - 2019 жылдары - «Нұр Отан» партиясының Хатшысы.
2019 жылдың шілде айынан бастап Еңбек ресурстарын дамыту орталығы" АҚ директоры
2020 жылдың мамырынан Қазақстан Республикасы Президентінің көмекшісі – Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі
Марапаттары «Құрмет» орденімен, «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған.
