Нұр-Сұлтан, BAQ.KZ. Бұл туралы Алматы облысы әкімдігінің баспасөз қызметі хабарлады.
«Сіздерді 30 қыркүйек – 1 қазан күндері аралығында Талдықорған қаласындағы «Жастар» спорт сарайында спорт ардагерлері арасында өтетін қазақ күресінен Қазақстан Республикасының чемпионатын тамашалауға шақырамыз», - делінген хабарламада.
Жарысқа еліміздің облыстары мен қалаларынан ең үздік палуандар қатысады.
Жарыстың салтанатты ашылу рәсімі 30 қыркүйек күні сағат 15.00-де «Жастар» спорт сарайында өтеді.
Жарыс күнделікті сағат 10.00-де басталады.
