Нұр-Сұлтан, BAQ.KZ. Ресейдің Түмен қаласындағы өнер колледжінде "Жас ұрпақ"қазақ балалар шығармашылығының бірінші облыстық фестиваль-байқауы өтті. Бұл туралы РФ-дағы Қазақстан елшілігінен хабарлады.
Айта кетейік, бұл Түмен облысының оқушылары үшін өңірде тұратын халықтардың өзара іс-қимылын нығайтуға, қазақ мәдениеті мен тілін сақтауға және дамытуға бағытталған этномәдени жоба. Ол қазақтардың аймақтық ұлттық-мәдени автономиясының бастамасымен ұйымдастырылып, 17-21 желтоқсанда Түмен облысында өткен қазақ мәдениеті күндерінің басты оқиғасы болды.Фестиваль финалында Қазан, Абат, Исет, Есіл, Омутин, Түмен, Упоров, Голышман және Заводоуковка қалалық округтерінен, Есіл және Түменнен 38 қатысушы және шығармашылық ұжымдар өнер көрсетті.
Фестиваль-байқаудың құрметті қонақтары: Түмен облысының ұлттар істері жөніндегі комитетінің төрағасы Владислав Чернов, Түмен облысының Ұлттық қоғамдық бірлестіктерінің үйлестіру кеңесінің төрағасы Евгений Воробьев, Түмен облыстық думасының депутаттары Владимир Столяров және Дмитрий Новицкий, Түмен қаласындағы Қазақстан Республикасының құрметті консулы Владислав Квасов, солтүстік Оралдағы Мемлекеттік Аграрлық университетінің ректоры Елена Бойко болды.
Жаңа фестиваль бастауының болашағы зор, өйткені адамның негізгі дүниетанымдық белгілері балалық шақта қаланады,және бүгінгі күні өскелең ұрпаққа қандай құндылықтар салатындығымызға Түмен облысындағы қазақ мәдениетінің болашағы байланысты, - делінген хабарламада.
