Көлік министрі Марат Қарабаев елімізде болған су тасқыны апатынан бұзылған жолдарды қалпына келтіруге қанша қаржы жұмсалатынын айтып берді, деп хабарлайды BAQ.KZ тілшісі.
Ведомство басшысы бүгінде шығын көлемі анықталып жатқанын атап өтті.
Бір учаскенің өзі 33 шақырымға созылып жатыр. Республикалық жолдарды қалпына келтіруге шамамен 8,5 млрд теңге керек. Жергілікті жолдар бойынша 275 учаскі бар. Оларды жөндеуге 20 млрд теңгеден астам қаржы керек. Әр учаскіде жеке диагностикалық жұмыс жасалады, - деп түсіндірді Көлік министрі Мәжілісте.
