Алматы облысында ТЖМ құтқарушылары тәуліктің кез келген уақытында қауіпсіздік күзетінде, деп хабарлайды BAQ.KZ Төтенше жағдайлар министрлігіне сілтеме жасап.
"Мұз-2024" республикалық акциясы аясында Қапшағай су қоймасында азаматтардың зардар шегуіне жол бермеу мақсатында түнгі уақытта рейдтік іс-шаралар өткізілді.
Іс-шаралар барысында су айдындарында қауіпсіздік ережелерін бұзған 15 адам анықталды. Атап айтқанда, азаматтар түнгі уақытта әрі жеке құтқару құралдарынсыз мұз үстіне шыққан болатын. Осы тұлғаларға әкімшілік хаттама толтырылып, түсініктеме жұмысы жүргізілді. Балықшылардың барлығы жағаға шығарылды, - делінген хабарламада.
Сонымен, жыл басынан бері ҚР ӘҚБтК-нің 412-бабына сәйкес су айдындарындағы қауіпсіздік ережелерін бұзғаны үшін азаматтарға 330 әкімшілік хаттама толтырылды.
ТЖМ мұздағы қауіпсіздік ережелерін сақтауды ұсынады.
0
0
0
0
0
