Нұр-Сұлтан, BAQ.KZ тілшісі. Бұл туралы ҚР Президенті жанындағы Орталық коммуникациялар қызметінің алаңында өткен баспасөз конференциясы барысында Нұр-Сұлтан қаласы Қоғамдық денсаулық сақтау басқармасының басшысы Тимур Мұратов хабарлады.
Оның айтуынша, елордада індет әлі бәсеңдемей тұр.
Нұр-Сұлтан қаласында эпидемиологиялық ахуалдың мәз еместігін алға тартқан басқарма басшысы тұрғындардан сақтық шараларына немқұрайлы қарамауды тапсырды.
Қазіргі уақытта инфекциялық стационарларда 2 699 адам науқас жатыр. Жүктеме 69%-ды құрап отыр. Орташа есеппен тәулік ішінде 300-ге дейін адам ауруханаға жатқызылады. 243 науқас реанимация бөлімшесінде жатыр. Ал 55 адам ӨЖЖ аппаратына қосулы, - деді Тимур Мұратов.Коронавирус инфекциясынан қорғанудың бірден-бір жолы – вакцина салдыру дегенді алға тартқан ведомство басшысы халықтың екпе алу қарқыны көбейгенін айтты.
Қазір қала бойынша 366 мың адам вакцинаның І компонентін алған. Толықтай иммунизациялаудан 284 мыңнан астам азамат өткен. Бүкіл кезең ішінде СОСО-на 60 мыңнан астам адам келіп екпе алған, - деді ол.
