Астана, baq.kz. Өскемендегі Серікбаев көшесі кеңейтіледі. Бұл туралы altaynews.kz сайты хабарлайды.
Өскемендегі Серікбаев көшесі кеңейтілетіні туралы қала басшысы Жақысылық Омар мәлімдеді.
«Орташа жөндеу жұмыстарына қаржы бөлініп қойды», - деді ол.
Нақтырақ айтсақ, Потанин және Карбышев көшесіндегі айналма шеңберлер арасындағы жол бөлігі 11,5 метрге дейін кеңейтіледі деп болжануда. Қайта жөндеудің көп бөлігі Комендантка жағалауының есебінен жүргізілмек. Нәтижесінде Серікбаев – үш жолақты көшеге айналады. Ортаңғы жолақ реверсивті болмақ. Яғни онымен көліктер легі көп болған жағдайда екі бағытта да жүруге болады.
