«Six-seven» тренді: Рим папасы жасөспірімдермен бірге танымал мемді қайталады

Әлеуметтік желіде Рим папасының балалармен бірге «six-seven» трендін қайталаған видеосы тарады.

Оқиға Ватикандағы ресми қабылдау кезінде болған. Балалар Пападан бірнеше ишараны қайталауды өтінген.

Бұл сәттің видеосын діни қызметкер Дон Роберто Фишер жариялады.

Балалар пападан «six-seven» меміндегі қимыл мен сөзді қайталауды сұрағанда ол бұл өтінішті аяқсыз қалдырмай, бірге қайталаған.

Айта кетейік, бұл ишараның нақты не білдіретіні осы күнге дейін беймәлім. Дегенмен, рэпер Skrilla-ның «Doot (6 7)» трегі чарттарға шыққаннан кейін, «67» немесе «six-seven» тіркесі бүкіл әлемдегі жасөспірімдер арасында кеңінен танымал болып кетті.

Еске салайық, бұған дейін Президент Қасым-Жомарт Тоқаев Рим Папасын Астанаға ресми сапармен шақырды. 

Тағы оқи отырыңыздар:

"Біз үнсіз қала алмаймыз": Рим Папасының жанайқайы

Рим Папасы Ирандағы зорлық-зомбылықты тоқтатуға шақырды

Рим Папасы Лео Венесуэла халқына үндеу жасады