Сирия АҚШ-тың терроризмді демеуші елдер тізімінен шығарылды

АҚШ Сирияны терроризмді демеуші мемлекеттер тізімінен алып тастады. Бұл туралы АҚШ Қаржы министрлігінің баспасөз қызметі хабарлады.

АҚШ Мемлекеттік департаментінің мәлімдеуінше, бұл шешім Сирияға қосымша инвестициялар тартуға, сондай-ақ елдегі саяси және экономикалық тұрақтылықты нығайтуға мүмкіндік береді.

АҚШ Мемлекеттік департаменті бүгін Сирияны терроризмді демеуші мемлекеттер тізімінен шығарды. Бүгін қабылданған шаралар Сирияға қосымша инвестициялар тартуға және саяси әрі экономикалық тұрақтылыққа ықпал етеді, – делінген мәлімдемеде.

Бұған дейін АҚШ мемлекеттік хатшысы Марко Рубио Вашингтонның Сирияға терроризмді демеуші мемлекет мәртебесін алып тастайтынын мәлімдеген болатын.

Дипломаттың айтуынша, Таяу Шығыс елінен санкцияларды алып тастау халықаралық сауда мен инвестицияларға жол ашып, Сирияға елді қалпына келтіруге мүмкіндік береді және оның тарихында жаңа кезеңнің басталуына ықпал етеді.