Абай облысында сіріңкемен ойнаған балалар 82 тонна шөпті өртеп жіберді, деп хабарлайды BAQ.KZ.
Polisia.kz мәліметінше, оқиға Ақсуат ауданындағы жергілікті тұрғындардың бірінің үйінде болды. Полицейлер шөпті екі бала өртеп жібергенін анықтады. Жергілікті мектеп оқушылары сіріңкемен ойнап отырып, кездейсоқ шөпті өртеп жіберген.
Шығын көлемі 4 млн теңгені құрады. Балалар келтірген залалды олардың заңды өкілдері қалпына келтіруі керек, - делінген хабарламада.
Ведомство атап өткендей, ҚР ҚК-нің 202-бабы бойынша сотқа дейінгі тергеп-тексеру жалғасуда.
Егер балалардың қараусыз қалуы салдарынан өрт біреуге зиян келтіргені нақтыланса, онда ата-аналар бұл үшін заңда белгіленген тәртіппен жауап беретінін есте ұстаған жөн, - деп ескертті министрлік.
