Шымкенттегі әуе базасы тексерілді

2 Тамыз 2021, 09:44
1404
Бөлісу:
Шымкенттегі әуе базасы тексерілді
PHOTO

Нұр-Сұлтан, BAQ.KZ. Әскери-әуе күштері қолбасшысының орынбасары полковник Тимур Омаровтың төрағалығымен комиссия Шымкент қаласында орналасқан авиациялық базаның жауынгерлік әзірлігін тексерді.

Авиацияның жауынгерлік әзірлігінің нақты жай-күйін анықтау үшін жеке құрам дабыл бойынша көтерілді. Комиссия кезекші күштерді, оқу-материалдық базаның жағдайын, сондай-ақ жауынгерлік құрам мен қару-жарақты тексерді.

Шымкенттегі әуе базасы тексерілді

Ұшу құрамы ұшу дағдылары, нысанаға дәл шығу және шартты қарсыласты жою, сондай-ақ жауынгерлік қолдануға ұшуды орындау бойынша бағаланды.

Шымкенттегі әуе базасы тексерілді

Тексеру барысында комиссия жауынгерлік кезекшілікті ұйымдастыру, жауынгерлік даярлық, ұшуларды жерде қамтамасыз ету, материалдық-техникалық қамтамасыз ету мәселелеріне, сондай-ақ инженерлік-техникалық құрам мен байланыс мамандарының жұмысына назар аударды.

Шымкенттегі әуе базасы тексерілді

Тексеру қорытындысы бойынша комиссия төрағасы полковник Тимур Омаров авиациялық базаның жеке құрамы жауынгерлік міндеттерді орындауға дайын екенін атап өтті.

Шымкенттегі әуе базасы тексерілді

Өзгелердің жаңалығы