Шымкентте жол жөндеуге бөлінген қаржыны қалтаға басқан есепшілер сотталды. Анығырақ айтсақ, аудан әкімдігі мен басқарма бухгалтерлері бюджеттің 99 миллион теңгесін жымқырған, деп хабарлайды BAQ.KZ.
Almaty.tv-ның мәліметі бойынша айыпталған қос азаматша енді алдағы 7 және 8 жылын темір торда өткізеді, өмір бойына мемлекеттік қызметте жұмыс істеу құқығынан айырылмақ.
Асанова мен Бесбаева жалған бухгалтерлік құжат негізінде үлестес кәсіпорындарға қаражатты заңсыз аударуды жүзеге асырды. Сондай-ақ 2023 жылдың ақпан-желтоқсанында нақты жұмыс істемеген тұлғаларға жалақыны жүйелі түрде аударып отырды, - деді Сыбайлас жемқорлыққа қарсы іс-қимыл агенттігінің ресми өкілі Данияр Биғайдаров.
