Шымкент қаласындағы жеке үйде газ баллоны жарылды, деп хабарлайды BAQ.KZ Otyrar.kz сайтына сілтеме жасап.
Мәліметке сүйенсек, Диваев пен Мәделі қожа көшелерінің қиылысында сағат 19:20-да жарылыс болған. Жарылыстың қатты болғанынан, қабырғалар құлап, өрт бүкіл тұрғын үйді шарпыған.
Үйде пәтер иелері — ата-анасы мен төрт баласы тұрған. Әкесі бәрін өрттен шығарып үлгерді. Ал өзін күйік шалып, ауруханаға жатқызды.
Өрттің себебі — сыйымдылығы 50 литр пропан цилиндрінің жарылуы. Құтқарушылар тағы екі газ баллонын өрттен шығарып үлгерді.
