Нұр-Сұлтан, BAQ.KZ. Шымкент қаласы Бозарық тұрғын алабында заманауи стандартқа сай жаңа ипподром кешені бой көтереді.
Қаланың бас жоспарына сәйкес Бәйдібек би даңғылында орналасқан қазіргі ипподром жаңа орынға көшіріледі.
Қала әкімдігі хабарлағандай, қазіргі таңда нысанның жобалық-сметалық құжаттамасы әзірленіп жатыр. Жаңа ипподром құрылысына 24 гектар жер телімі бөлінді.
Жобаға сәйкес жаңа нысанда жылы жабыны бар жасанды жүгіру жолы, жаттығу алаңы, ат спорты бойынша жарыстар өткізуге арналған алаң, жабық мінбер, атқоралар, жабық манеж шпрингартен, ветеринариялық-профилактикалық бекет, сондай-ақ құрама жемге арналған қоймалар және автотұрақ болады деп жоспарлануда.
