Шығыс Қазақстанда бір аптада 200-ге жуық қылмыс ашылды

Шығыс Қазақстанда бір аптада 200-ге жуық қылмыс ашылды
1068

Нұр-Сұлтан, BAQ.KZ. 12-18 наурыз аралығында облыс аумағында «Құқықтық тәртіп» жедел профилактикалық іс-шарасы өткізіліп, 200-ге жуық қылмыс ашылды, деп хабарлады Шығыс Қазақстан облыстық полиция департаментінің баспасөз қызметі. 

Облыс полицейлері осы аралықта күшейтілген режимде жұмыс істеді.

Рейдтік іс-шаралар кезеңінде полиция қызметкерлері жол қозғалысы ережелерін өрескел бұзушылықтарды анықтап, жолын кесті, көп пәтерлі және жеке тұрғын үйлердің аулаларында құқықтық тәртіпті қамтамасыз етуге ерекше назар аударды, қылмыстарды, сондай-ақ бұрын жасалған қылмыстарды «ізін суытпай» ашты.7 күннің қорытындысы бойынша «ізін суытпай» 198 қылмыс ашылды, бұрын жасалған 90 қылмыс, іздеуде жүрген 21 күдікті ұсталды, - делінген хабарламада.

Операция барысында он мыңнан астам әкімшілік құқық бұзушылық анықталды, оның ішінде 1 292 ұсақ бұзақылық фактісі, спирт ішімдіктерін ішу немесе қоғамдық орындарға масаң күйде келуі үшін - 1 608, ал 1 886 адам тіркеусіз немесе жеке басын куәландыратын құжаттарсыз тұрғаны үшін  жауапқа тартылды. Ішкі істер органдарында профилактикалық есепте тұрған 9 000-нан астам азамат тұрғылықты жері бойынша тексерілді.

«Құқықтық тәртіп» жедел алдын алу іс-шарасы барысында заңсыз айналымнан 30 қару-жарақ тәркіленді. Оның: 1 газ тапаншасы, 4 Ойық және 25 тегіс ұңғылы қару.

7 күн ішінде жедел профилактикалық іс-шарасы барысында 61 жүргізуші мас күйінде көлік құралын басқарғаны үшін әкімшілік жауапкершілікке тартылды, сондай-ақ мас күйінде көлік құралын басқару құқығынан айырылған адамдардың көлік құралын басқаруының 3 фактісі анықталды, - деді ШҚО ПД ЖПҚБ бастығы Талғат Нұриев.

Сондай-ақ, облыс полицейлері есірткі заттарын сақтаудың 18 фактісін анықтады, 135-ке жуық бір реттік доза марихуананы тәркіледі.






Фото: ашық дереккөз