ТЖМ қызметкерлері балықшыларды құтқарды, деп хабарлайды BAQ.KZ.
Ведомство дерегінше, Қоржынкөл көлінде екі балықшы резеңке қайықпен балық аулауға көлге шығып, желдің салдарынан жағалауға өз бетінше жете алмай, 112-ге көмек сұрады. Оқиға ШҚО-ның Ұлан ауданында орын алды.
Көмекке келген құтқарушылар 1973 және 1975 жылы туған екі ер адамды жағаға жеткізді. Оларға медициналық көмек қажет болмады, - делінген мәліметте.
ТЖМ су айдындарында қауіпсіздік ережелерін сақтауға шақырады. Қатты жел кезінде қайықпен суға шықпауларыңызды сұрайды.
