Шакираның Бішкектегі концерті: Қазақстандықтар билет сатып алуда алға шықты
Қазақстандықтар Бішкектегі Шакираның концертіне билет сатып алуда көшбасшы атанды.
Айым Серікбайқызы
2 Қазан 2026, 13:27
Сатылымның алғашқы күнінде Шакираның концертіне 22 елдің тұрғындары билет сатып алды. Ал шетелдік сатып алушылар тізімінде қазақстандықтар көшбасшы болды, деп хабарлайды BAQ.KZ 24KG-ға сілтеме жасап.
Әншінің концертіне сатылымның алғашқы күнінде 13 мыңнан астам билет сатылды.
Сатылымның негізгі бөлігі Қырғызстанға тиесілі – 77,32%. Билеттердің тағы 22,68%-ын басқа елдердің сатып алушылары сатып алды.
Шетелдік сатып алушылар арасында Қазақстан көш бастап тұр:
Қазақстан – 80,01%;
Ресей – 13,08%;
Өзбекстан – 3,8%;
қалған 18 ел – 3,1%.
Жалпы сатылым көлеміндегі Қазақстанның үлесі 18,15%, Ресейдікі – 2,97%, Өзбекстандыкі – 0,86% болды.
Сондай-ақ билеттерді АҚШ, БАӘ, Тәжікстан, Түркия, Германия, Қытай, Ұлыбритания және басқа да елдердің сатып алушылары сатып алды.
Айта кетейік, бұған дейін 2026 жылдың қыркүйегінде Энрике Иглесиас Қазақстанға келіп өнер көрсеткен еді. 3 қыркүйекте әнші «Астана Аренада», ал 5 қыркүйекте Алматының Орталық стадионында өнер көрсетті.