Нұр-Сұлтан, BAQ.KZ. Қазгидромет еліміздің үш облысында 3 қаңтар күні ауа райына байланысты дабылды ескерту жариялады.
Нұр-Сұлтан қаласында қар жауып, бұрқасын соғып, көктайғақ болады. Түнде оңтүстік-батыстан соққан желдің 15-20 м/с жетеді.
Қызылорда облысының кей жерлерінде тұман түсіп, көктайғақ болады.
Қостанай облысының кей жерлерінде бұрқасын соғып, тұман түсіп, көктайғақ болады. Оңтүстік-батыстан соққан желдің күші кей жерлерде 15-20 м/с дейін жетеді.
Көкшетау қаласы мен Ақмола облысының басым бөлігінде түнде қар жауады. Кей жерлерде тұман түсіп, көктайғақ болып, бұрқасын соғады. Оңтүстік-батыстан жел соғып, кей жерлерде күші 15-20 м/с жетеді.
