Нұр-Сұлтан, BAQ.KZ. "Қазгидромет" РМК 10 желтоқсанға арналған ауа райы болжамын жариялады.
Сонымен, республикамыздың оңтүстігінде, батысында және солтүстігінде атмосфералық фронтальды бөліктердің өтуіне байланысты тұрақсыз ауа райы сақталады, кей жерінде жауын-шашын (жаңбыр, қар) жауады. Еліміздің калған аумағында, антициклон жотасының ықпалында болғандықтан, жауын-шашынсыз ауа райы сақталады. Республикамыздың кей жерінде тұман, көктайғақ, желдің күшейюі сақталады.
Ақмола облысының кей жерінде тұман, көктайғақ, жаяу бұрқасын күтіледі.
Алматы облысында түнде және таңертең тұман күтіледі, Жалаңашкөл аумығында жел 15-20 м/с күшейеді.
Жамбыл, Түркістан облыстарының кей жерінде тұман күтіледі, жел 15-20 м/с күшейеді, Жамбыл облысының кей жерінде көктайғақ күтіледі.
Қызылорда, Маңғыстау, Атырау, Ақтөбе, Қарағанды облыстарының кей жерінде көктайғақ күтіледі.
Батыс Қазақстан, Қостанай, Солтүстік Қазақстан, Павлодар, Шығыс Қазақстан, Қызылорда, Маңғыстау, Атырау, Актөбе, Қарағанды облыстарының кей жерінде тұман күтіледі.
