Нұр-Сұлтан, BAQ.KZ. Семейдегі фтизиопульмонология және оңалту орталығында КВИ науқастарына арналған қосымша 300 инфекциялық төсек-орын орналастыру туралы шешім қабылданды, деп хабарлайды Altaynews.
Бұл туралы қала әкімі Бақытжан Байахметов әлеуметтік желідегі парақшасында жазды.
Бүгінгі таңда балаларды қабылдай алатын жаңа жұқпалы аурулар стационарының құрылысына жобалық-сметалық құжаттама әзірленуде. Қаладағы жұқпалы аурулар ауруханаларының ғимараттары кеңес заманында салынған және жөндеуді талап етеді, - дейді шаһар басшысы.
Айта кетсек, орталық базасындағы жұқпалы аурулар ауруханасында COVID-19 науқастарын дұрыс емдеу және оларға күтім жасау үшін қажеттінің бәрі бар. Аурухана қызметкерлері вакциналарды толық көлемде алған.
