Нұр-Сұлтан, BAQ.KZ. Шығыс Қазақстан облысында коронавирус жұқтырған тағы 3 адам анықталды, деп хабарлайды Мемлекеттік комиссияның шұғыл штабы.
Семей қаласында COVID-19-ды 3 адамның жұқтырғаны анықталды. Олардың барлығы 28 сәуір күні коронавирусты жұқтырғаны анықталған 1952 жылғы әйелмен үй ошағы бойынша жақын байланыста болған адамдар.
⠀
Олардың қатарында 2017 жылы туған бала бар. Қалған екеуі — 1988 жылғы әйел адам және 1989 жылы туған ер адам.
⠀
Қазіргі уақытта олар жұқпалы аурулар стационарына оқшауланып, тиісті ем қабылдап жатыр. Жағдайлары орташа дәрежедегі ауырлықта.
⠀
Олармен байланыста болған азаматтарды анықтау және оқшаулау бойынша эпидемиологиялық тексеру жүргізілуде. Эпиданамнез бойынша облыстан тыс жерлерге, басқа елдерге шықпаған.
⠀
Қазіргі таңда ШҚО-да коронавирусты жұқтырған 20 адам тіркелген, оның үшеуі сырттан әкелінген.
