Румынияда 18 мамыр, жексенбі күні, президент сайлауының екінші кезеңі басталды, деп хабарлайды BAQ.KZ.
Adevărul газетінің мәліметінше, ел бойынша 18 979 сайлау учаскесі ашылған, олар Астана уақытымен сағат 23:00-де жабылады.
Шетелде тұратын Румыния азаматтары үш күн бойы дауыс бере алады. Ең алғашқы сайлау учаскесі 15 мамырда Жаңа Зеландияда ашылған.
Сайлаудың бірінші кезеңі 4 мамырда өтті. Онда ең көп дауыс жинағандар – ұлтшыл бағыттағы «Румындарды біріктіру альянсы» (AUR) партиясының жетекшісі Джордже Симион (41%) және Бухарест мэрі Никушор Дан (21%) болды.
