Нұр-Сұлтан, BAQ.KZ тілшісі. Бұл туралы Ресей Президенті Владимир Путин Қазақстан мен Ресейдің XVII Өңіраралық ынтымақтастық форумында айтты.
Қазақстан мен Ресей бұған дейін Балқаш көлінің маңында атом электр станциясын құру туралы уағдаласқан болатын.
Ресей президенті Владимир Путин Қазақстанда атом электр станциясын салу туралы айтты.
Путин Ресей көршілерінің, достарының, одақтастарының, соның ішінде Қазақстанның атом энергетикасын дамыту жөніндегі жоспарларын мұқият қадағалап отырғанын атап өтті.
Егер сіз осындай шешімдер қабылдайтын болсаңыз, Ресей серіктестерге, соның ішінде қазақстандық серіктестерге атом электр станцияларын салуға және пайдалануға жәрдемдесуді және қолдауды ұсынады. Атап айтқанда республикада ресейлік дизайндағы АЭС салу туралы әңгіме болуы мүмкін. Әңгіме атом энергетикасын пайдалануға байланысты ресейлік жоғары оқу орындарында жаңа мамандық бойынша кадрларды оқытуды қамтитын тұтас саланы құру туралы болып отыр, - деді Путин.
Оның айтуынша, АЭС-тің ауаны ластануға әсері шамалы.
Мамандар атмосфераға түсетін жүктемені біртіндеп азайтуға, тиімді газ тазарту қондырғыларын іске қосу арқылы технологияларды жетілдіруге қол жеткізуде. Жалпы Ресей мен Қазақстанның экология және жасыл өсім саласындағы бірлескен жұмыс үшін кең перспективалары бар екенін тағы да қайталағым келеді. Оған еліміздің барлық өңірлері белсенді қосылады деп сенемін, – деді Путин.
