Қысқы Азия ойындары: Спортшылардың формасы қандай болады?

Туризм және спорт министрі Ербол Мырзабосынов қазақстандық спортшылардың формасына қатысты сұраққа жауап берді, деп хабарлайды BAQ.KZ тілшісі.

Бұл Олимпиада ойындарына қарағанда басқаша жарыс. Сондықтан қысқы спорт түрлеріне сай, Харбиннің күн райына келетіндей етіп тігілді. Бүгінгі таңда киім спортшылар мен спорт мамандары тарапынан жақсы қабылданды. Форма демеушілердің қолдауымен тігіліп, сыйлық ретінде берілді. Мемлекеттік бюджеттен қаржы жұмсалған жоқ, - дейді Ербол Қуантайұлы Үкіметтің баспасөз орталығында өткен брифингте.