Ақтөбелік құтқарушылар лифт шахтасына құлаған адамға көмекке келді, деп хабарлайды BAQ.KZ.
Бүгін жөндеу жұмыстарын жүргізу кезінде ер адам лифт шахтасына құлап кетті.
5 минуттан кейін оқиға орнына жедел-құтқару жасағының қызметкерлері келіп жетті. Арнайы зембілдің көмегімен құтқарушылар зардап шегушіні салынып жатқан ғимараттан шығарып, жедел жәрдем қызметкерлеріне тапсырды.
Құтқарушылар:
Жедел құтқару жасағының құтқарушылары Николай Кротов, Ғалымбек Әбдіжамілов, Шыңғыс Мұқаев.
