«Ашық сағат алаңы» аясында ИИДМ Құрылыс және тұрғын үй-коммуналдық шаруашылық істері комитеті, бизнес-қоғамдастық, «Қала құрылысы кадастры» РМК, «ҚазҚСҒЗИ» АҚ өкілдерінің қатысуымен өткен жиында құрылыс жұмыстарының сапасын арттыру мәселелері талқыланды, деп хабарлайды BAQ.KZ.
Қала құрылысы және сәулет-құрылыс бақылауы басқармасының басшысы Тимур Бижановтың айтуынша, соңғы уақытта рұқсат құжаттарынсыз құрылысты бұзу жағдайлары жиілеп кетті.
Осы орайда министрлік сәулет, қала құрылысы және құрылыс объектілері істері жөніндегі жергілікті атқарушы органдардың қызметіне тұрақты түрде қатаң бақылау жүргізеді.
Бүгінгі күні өңірлік МСҚБ органдары құрылыстың басталуы туралы 8291 хабарлама қабылдады. 5724 нысан іске қосылды, оның 934-і - тұрғын үй. Ағымдағы жылы іске қосылған объектілер саны 34%-ға төмендегідей (2021 жылы 8658 объекті пайдалануға берілді). Өңірлік МСҚБ органдары 862 тексеру жүргізді, бұл көрсеткіш өткен жылдың сәйкес кезеңіне қарағанда 18%-ға жоғары. Тексеру нәтижелері бойынша барлығы 2113 субъект әкімшілік жауапкершілікке тартылды, бұл өткен жылдың сәйкес кезеңіне қарағанда 39%-ға жоғары, - делінген министрлік таратқан хабарламада.
Сонымен қатар, МСҚБ органдары сараптамалық ұйымдарға қатысты 40 әкімшілік материал жасады, 34 түрлі ұйым жауапкершілікке тартылды, оның ішінде 6 ұйым екі рет тартылды.
Бүгінде қолданыстағы мемлекеттік бақылау жүйесі мораторий аясында тексеру тағайындау туралы әкімдердің өтініштері мен оң шешімдерінсіз салынып жатқан объектілерді қамтуға мүмкіндік бермейді.
Осыған байланысты, министрлік нысандарды жоспарлы бақылау тетігін енгізуді ұсынып отыр.
Осы орайда тапсырыс берушінің МСҚБ-ға жоспарлы бақылау жүргізуіне ерікті түрде келісімін беруі көзделеді. Жоспарлы бақылау нәтижелері бойынша айыппұл және шектеу шаралары қолданылмайды. Бақылаудың ұсынылып отырған түрі құрылыстың барлық циклдерін (қазаншұңқыр қазудан бастап абаттандыру жұмыстарына дейін) тұрақты мемлекеттік бақылау және зертханалық бақылаумен бірге құрылыстың сапасын арттыруға мүмкіндік береді, - делінген хабарламада.
Сондай-ақ, объектілерді пайдалануға қабылдау рәсіміне бірқатар өзгерісті енгізу ұсынылады.
Бүгінгі күні МСҚБ органдары қабылдау актісін салыстырып тексеруді объектіге бармай-ақ камералдық түрде жүзеге асырады.
Осыған байланысты, құрылыс салушылардың бақылауды әлсіреткендерін анық елемеуі байқалады және объектілер құрылыс кемшіліктерімен қабылданып жатады.
Осыған байланысты екі механизм ұсынылды:
Біріншіден, бұрын МСҚБ объектісіне жоспарлы бақылау жүргізілген жағдайда, МСҚБ қабылдауға шығусыз қатысатын болады (қорытынды береді).
Екіншіден, тапсырыс беруші ерікті түрдегі бақылау жоспарынан бас тартқан жағдайда, МСҚБ қабылдау актісі келіп түскен кезде объектіге барып, қорытынды береді.
Бұдан басқа, бизнесті енгізу мәселелері бойынша заң шеңберінде бұзушылықтарды болдырмау мақсатында объектілерді пайдалануға қабылдау актілерін салыстырып тексергенге дейін ҚМЖ басталуы туралы хабарламаны қабылдау кезінде МСҚБ органдары ұсынатын талаптар белгіленді.
Бұл ұсыныстар "Қазақстан Республикасының кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы" заңның жобасында көзделген.
Сонымен қатар, бизнес-қоғамдастыққа қатысушылар құрылыс субъектілерінің күнделікті жұмысын автоматтандыруға мүмкіндік беретін "E-Qurylys" бірыңғай ақпараттық жүйесін енгізу туралы сұрақтар қойды.
Онлайн кездесудің қорытындысы бойынша қатысушылар құрылысты уақытылы бақылаудың маңыздылығын атап өтті, бұл құрылыс нысандарын тапсыру процесін едәуір жылдамдатып, сапалы өнім алуға мүмкіндік береді.
