Құрылтай сайлауы – елдегі саяси жаңғырудың маңызды кезеңі – Мәулен Әшімбаев

Мәулен Әшімбаев Астанадағы №129 сайлау учаскесінде дауыс берді, деп хабарлайды BAQ.KZ тілшісі.

Оның сөзінше, өтіп жатқан сайлау Мемлекет басшысы жүргізіп отырған кешенді саяси реформалардың жалғасы саналады.

Бүгін еліміз үшін тарихи күн. Қазақстанда Құрылтай сайлауы өтіп жатыр. Біз бұл сайлауды Мемлекет басшысы жүргізіп отырған кешенді реформалардың заңды жалғасы деп қабылдаймыз. Соңғы жылдары Президенттің басшылығымен барлығымыз бірге Әділетті Қазақстан құрып келеміз. Бұл үдерістің жаңа кезеңі жаңа Конституцияның қабылдануымен басталды, – деді Мәулен Әшімбаев.

Ол қазақстандықтарды сайлауға белсенді қатысып, азаматтық борышын орындауға шақырды.

Еліміздің болашағы үшін әрбір дауыс маңызды. Сондықтан бүгін азаматтарды сайлауға қатысып, өз таңдауын жасауға шақырамын. Барша қазақстандық елдің келешегі үшін дауыс береді деп сенемін, – деді ол.

Мәулен Әшімбаевтың айтуынша, Құрылтай сайлауы елдегі саяси жаңғыру үдерісінің маңызды кезеңдерінің бірі.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от BAQ.KZ ақпарат агенттігі (@baq.kaz)