Қазақстан перспективалы аумақтарды зерделеу және геология саласына инвестициялар тарту үшін шетелдік әріптестермен ынтымақтастықты белсенді түрде кеңейтуде, деп хабарлайды BAQ.KZ.
Бүгінгі таңда минералды-шикізат базасы қатты пайдалы қазбалардың 987 кен орнын қамтиды және оларды барлау динамикасы оң күйінде қалып отыр.
Сонымен қатар Қазақстанда жерде сирек кездесетін металдардың перспективалы алаңдары табылды.
Жер қойнауын мемлекеттік геологиялық зерттеу шеңберінде 12 учаскеде іздеу жұмыстары жүргізіліп жатыр.
2024 жылғы геологиялық барлау жұмыстарының нәтижелері бойынша құрамында минералды қоры мен ресурстары бар 17 кен орны мемлекеттік тіркеуге алынды.
Сонымен қатар жерасты суларының алты кен орны есепке алынды: Долинное, Жыланды, Бала-Үрпек, Дарбазин топтық су құбыры, Торғай Палеозой және Королевское.
