Қазақстандық теннисші Жібек Құламбаева Германияда өтіп жатқан WTA 250 санатындағы Hamburg Ladies Open турнирінің іріктеу финалына шықты, деп хабарлайды BAQ.KZ.
WTA рейтингінде 306-орында тұрған Құламбаева алғашқы айналымда Германия өкілі Мина Ходжичті 6:4, 7:5 есебімен жеңіп, жарыстың алты іріктеу финалының біріне жолдама алды. Финалда ол Ресей теннисшісі, әлемнің 277-ракеткасы Мария Тимофеевамен кездеседі. Матч 14 шілде күні Астана уақытымен 14:30-дан кейін басталады.
Құламбаева сондай-ақ жұптық сында Ұлыбритания өкілі Майя Люмсденмен бірге өнер көрсетеді. Бұл дуэт турнирге төртінші нөмірмен тіркелген. Олар алғашқы матчтарын 15 шілдеде австриялық Джулия Грабер мен Синья Краусқа қарсы өткізеді.
