ТЖМ құтқарушылары құтқару жұмыстарын жүргізді, деп хабарлайды BAQ.KZ.
Түркістан облысында қария құтқарылды. 1958 жылы туған турист Қазығұрт шыңын мүлдем дайындықсыз бағындыруды ұйғарды.
Өз бетінше қайтып түсе алмаған қарияға ТЖД жедел-құтқару жасағының құтқарушылары көмекке келді. Құтқарушылардың үйлесімді іс-қимылдарының арқасында 66 жастағы турист таудан аман-есен түсіп, жедел медициналық жәрдем бригадасына тапсырылды, - делінген хабарламада.
Ұлытау облысында жоғалған шопан табылды. ТЖД және ПД күштері Ұлытау ауданының Аралтөбе шаруа қожалығынан мал іздеуге жаяу шығып, қайтып оралмаған 1971 жылы туған ер адамды іздеу-құтқару жұмыстары жүргізілді. Жоғалған адам Жезді кентінен 18 км қашықтықта табылды, медициналық көмекке мұқтаж емес.
