«Самұрық-Қазына» ұлттық әл-ауқат қоры» АҚ басқарма төрағасы Алмасадам Сәтқалиев «Қазмұнайгаз» IPO-сы аясында қазақстандықтардан қанша өтінім түскенін айтты, деп хабарлады BAQ.KZ тілшісі.
Кеше қордың директорлар кеңесі мен Үкімет «Қазмұнайгаз» АҚ акцияларын иеліктен шығару туралы соңғы шешімді қабылдады. Өтінімдер 9 қараша мен 2 желтоқсан аралығында қабылданды. Ел азаматтарының өтінімдерін қанағаттандыруға басымдық берілді. Азаматтардан түскен өтінімдердің жалпы саны – 128,7 мың, жалпы сомасы – 4,6 млрд теңге, - деді басқарма төрағасы Алмасадам Сәтқалиев.
