Сыртқы істер министрлігінің ресми өкілі Айбек Смадияровтың айтуынша, алдымен елдің ішіндегі барлық рәсім аяқталуы тиіс, деп хабарлайды BAQ.KZ тілшісі.
Менің ойымша, бұл процесс 2-3 айға созылады. Алдымен Қазақстан мен Қытай өз мемлекеті ішіндегі рәсімдерді аяқтап, құжаттарды қабылдауды қажет. Осылайша екі тарап бір-бірін хабардар еткеннен кейін келісім күшіне енеді. Бұл екі тараптың мемлекеттік органдарының шапшаңдығына байланысты. Қазақстан тарапы бұл істің барынша жылдам аяқталуына күш салады, - деді Смадияров.
Айта кетейік, бұған дейін екі ел президенті Қазақстан мен Қытай арасындағы визасыз режимге қол қойған еді.
Қазақстан мен Қытай мемлекеттері басшыларының қатысуымен 18 құжатқа қол қойылды.
