Қазақстандық оқушы АҚШ-та көк туымызды желбіретті

Астаналық оқушы халықаралық олимпиадада жеңімпаз атанып, еліміздің туын желбіретті, деп хабарлайды BAQ.KZ.

Қалалық білім басқармасының хабарлауынша, Астана қаласындағы Шейх Халифа бен Заид әл-Нахаян атындағы №84 мектеп-лицейдің 9-сынып оқушысы Саулебек Алидан халықаралық аренада ғылыми олимпиадаға қатысып, абсолютті жеңімпаз атанып еліміздің көк туын желбіретті.

Айта кетейік, әлемнің түкпір-түкпірінен жүздеген дарынды оқушылар қатысқан СОРЕRNICUS олимпиадасы Америка Құрама Штаттары Хьюстон қаласында физика, химия, биология, география пәндері бойынша өтті. Жас дарынды Саулебек химия пәні бойынша қатысып, әр мемлекеттен келген қатысушылар ішінен оза шауып бірінші орынға ие болды..

Жас дарындыны химия пәнінен олимпиадаға жеңіске жетуге дайындаған Кажекенова Эльмира Асимханқызының есімін атап өтуге болады.