Бұл туралы Өзбекстан Сыртқы істер министрі Бахтиер Саидовтың Қазақстанға ресми сапары аясында Сыртқы істер министрі Мұрат Нұртілеу мәлімдеді, деп хабарлайды BAQ.KZ тілшісі.
Қазақстан территориясында 500 мыңға жуық өзбектер тұрса, Өзбекстанда 800 мыңға жуық қазақтар тұрып жатыр. Олар – екі елді жақындастыратын жақсы фактор. Оларды қолдау үшін тиісті жағдай жасалған. Мектептер бар. Қазақстанда екі өзбек театры бар, - деді министр.
Ол осы бағытта ары қарай да тиісті қадамдар жасалатынын жеткізді. Қазақстан мен Өзбекстанның өзара мәдениет күндері тұрақты өткізіліп жатқанын айтты.
Жастар арасында белсенді диалог орнатылды. Қазақстанда қазір алты мың Өзбекстан азаматы білім алып жатыр. Жоғарғы оқу орындарында Орта Азия елдері үшін гранттар, квоталар беріп жатырмыз. Оларды біз уақыт өткен сайын жылдан жылға олардың санын ұлғайтып отыратын боламыз. Қазір мысалы, біз мемлекеттік қызметкерлер дайындау, дипломаттар дайындау және медицина саласындағы мамандар дайындау бойынша өзбек тарапына ұсыныстарымызды бердік, - деді ол.
