Қазақстанда ауа райы күрт өзгереді: Синоптиктер алдағы үш күнге болжам жасады

"Қазгидромет" РМК алдағы күндері Қазақстан аумағында ауа райы құбылмалы болатынын хабарлады. Синоптиктердің болжамынша, еліміздің басым бөлігінде оңтүстік циклонының әсерінен тұрақсыз күн райы орнайды.

Жауын-шашын

Кезеңнің басында солтүстік, шығыс және оңтүстік-шығыс аймақтарда жауын-шашынсыз, жылы ауа райы сақталғанымен, батыстан жылжыған циклон жағдайды өзгертеді. Алдағы күндері солтүстік, орталық және оңтүстік облыстарда найзағай жарқылдап, кей уақытта нөсер жаңбыр жауады. Солтүстік-батыс өңірлерде бұршақ жауып, желдің екпіні күшеюі мүмкін. Сондай-ақ, түнгі және таңғы уақыттарда еліміздің бірқатар өңірінде тұман түседі.

Температураның құбылуы:

• Оңтүстік өңірлерде: Алғашқы күндері ауа температурасы +32°С-қа дейін көтерілгенімен, кейін +18…+25°С-қа дейін төмендейді.

• Солтүстік пен солтүстік-батыста: Температура +15…+25°С-тан +12…+20°С-қа дейін салқындайды.

• Батыста: Керісінше, жылыну үрдісі байқалады. Мұнда сынап бағанасы +13…+20°С-тан +18…+25°С-қа дейін жоғарылайды.

• Шығыс пен оңтүстік-шығыста: Жылы көктемгі ауа райы сақталып, термометр көрсеткіштері +26…+30°С-қа дейін жетеді.

• Орталықта: Ауа температурасы +15…+25°С шамасында тұрақты болады.

Мамандар тұрғындарға ауа райының өзгеруіне, әсіресе желдің күшеюі мен нөсер жаңбырға дайын болуды ескертеді.

Еске салайық, бұған дейін 1 сәуірде елімізде жаңбыр, найзағай және күшті жел болатыны хабарланды. 

Сондай-ақ, сәуір айында ауа райы қандай болатыны айтылды.