Кәмелетке толмағандар арасындағы құқық бұзушылықтар бойынша есепті ҚР Бас прокуратурасы жанындағы Құқықтық статистика және арнайы есепке алу комитеті жүргізеді, деп хабарлайды Алматыдағы BAQ.KZ тілшісі.
Құқық қорғау органдарының есебінде девиантты мінез-құлқы бар 5326 жасөспірім бар. 2024–2025 оқу жылында ішкі мектептік есепке 10 мыңнан астам оқушы қойылды. Балалар проактивті форматта қосымша біліммен қамтылды, - деді премьер-министрдің орынбасары Ермек Көшербаев.
Сондай-ақ ол жасөспірімдер арасындағы құқық бұзушылықтарды ІІМ академиялары (Алматы, Қарағанды, Қостанай және Ақтөбе қалаларында) талдайтынын, оның қорытындысы бойынша мемлекеттік органдарға ұсынымдар жолданатынын атап өтті.
