Қазақстан Республикасының Тұрақты Өкілдігі Женевадағы БҰҰ Әйелдер гильдиясы (UNWG) ұйымдастырған Ұлттар сарайындағы жыл сайынғы жәрмеңкеге қатысты, деп хабарлайды BAQ.KZ.
Осы жылдар ішінде жәрмеңке Женевадағы жүздеген адам қатысатын халықаралық қауымдастық үшін көптен күткен үлкен қоғамдық оқиға болды. Ол 1976 жылдан бастап дүние жүзіндегі аз қамтылған балаларға көмектесу мақсатында ұлттар мен мәдениеттерді біріктірді.
Биылғы жылы Тұрақты өкілдік екі ұлттық стендте әртүрлі өнімдерді ұсынды.
Біріншісі қонақтарға бауырсақ, плов, манттар және самса сияқты қазақ тағамдарын, сондай-ақ шоколад, бал және дәстүрлі тәттілерді ұсынылды. Екінші стенд ұлттық кәдесыйлар мен кітаптарға толы болды.
Базардың аясында зергерлік бұйымдардың дизайнері мен шебері Серік Рысбек және «Серік Рысбек» көркемөнер галереясының директоры Гүлбаршын Қазбалинова қонақтарды қолдан жасалған асыл тасты жүзіктер, алқа, білезіктер мен сырғалардың эксклюзивті жинағымен таныстырды.
Жәрмеңке қолөнер мен гастрономия арқылы қазақ мәдениетін ілгерілетуге бірегей мүмкіндік берді. Базардағы ұлттық және азық-түлік өнімдерінен түскен қаражат әлемнің әртүрлі аймақтарындағы балаларды қолдайтын қайырымдылық ұйымдарына берілді.
