Қазақстан жаңа дәуірдің барлық сынағынан сүрінбей өтетініне сенімдімін - Назарбаев

28 Қаңтар 2022, 17:35
1669
Бөлісу:
Қазақстан жаңа дәуірдің барлық сынағынан сүрінбей өтетініне сенімдімін - Назарбаев
PHOTO

Нұр-Сұлтан, BAQ.KZ. Тұңғыш Президент – Елбасы Нұрсұлтан Назарбаев Nur Otan партиясының кезектен тыс XXI съезіне қатысты. Қазақстан Республикасы Тұңғыш Президенті - Елбасы Нұрсұлтан Назарбаевтың ресми сайты хабарлады.

Жиында Елбасы Nur Otan партиясы еліміздегі басты саяси күш екенін атап өтті.

Партия әрдайым тұтас қоғамның мүддесін қорғап, Тәуелсіздігіміз бен мемлекеттілігімізді сақтауға атсалысып келді. Біз зор табыстарға бірге қол жеткіздік. Ең бастысы Қазақстанның одан әрі дамуына берік негіз қаланды. Осы жүйелі жұмысты жалғастыру маңызды, – деді еліміздің Тұңғыш Президенті.

Қазақстан жаңа дәуірдің барлық сынағынан сүрінбей өтетініне сенімдімін - Назарбаев

Нұрсұлтан Назарбаев съездің тарихи мәніне тоқталып, Қасым-Жомарт Тоқаевты Nur Otan партиясының төрағасы етіп сайлау туралы ұсынысын партияластары қолдайтынына сенім білдірді.

Кейінгі бір жарым жыл ішінде партия жүйелі түрде қайта жаңғырды. Оны толық басқаруды қазіргі Мемлекет басшысы Қасым-Жомарт Кемелұлы Тоқаевқа тапсыру бұл процестің соңғы кезеңі деп санаймын. Партиядан президент сайлауына ұсынылған және қолдауына ие болған адам оны басқаруға тиіс. Бүгінде Қазақстан Президентінің басшылығымен маңызды әлеуметтік-экономикалық және саяси реформалар жүзеге асуда. Барлық қажетті ресурсы бар Nur Otan партиясы оларды орындау барысында сенімді тірек болуы керек, – деді Елбасы.

Қазақстан жаңа дәуірдің барлық сынағынан сүрінбей өтетініне сенімдімін - Назарбаев

Қазақстанның Тұңғыш Президенті жұртшылық жан-жақты қолдағанда ғана ел тәуелсіздігін нығайтуға бағытталған ауқымды реформалардан маңызды нәтижелер болатынын айтты.

Ел бірлігі, тыныштық, тұрақтылық пен келісім барда ұлы мақсаттарға жетуге болатынын әрдайым айтып келемін. Біздің отыз жылдағы тәжірибеміз осыны айқын көрсетті. Бүгінде Тәуелсіздіктің төртінші онжылдығына қадам басып отырмыз. Бұл – жаһандық өзгерістер, күрделі әрі жауапты шешімдер кезеңі. Қазақстан жаңа дәуірдің барлық сынағынан сүрінбей өтетініне сенімдімін. Айқын мақсаттар, саяси ерік-жігер, ең бастысы халықтың қолдауы соның кепілі болмақ, – деді Нұрсұлтан Назарбаев.

Өзгелердің жаңалығы